Aprel oyidagi referendum arafasida Jizzax davlat pedagogika universitetida «Konstitutsiya meniki, seniki, bizniki! Konstitutsiya o‘zimizniki» shiori ostida targ‘ibot tadbirlari, konsert dasturlari o‘tkazilmoqda. Xuddi shunday tadbirlardagn biri universitetning “Kuyovboshi” MFYda joylashgan Matematika va informatika fakultetida bo‘lib o‘tdi.
Unda Xalq depututlari viloyat kengashi deputatlari, JDPU professor-o‘qituvchilar va talaba yoshlardan iborat faollar ishtirok etdi.
Tadbirda so‘zga chiqqan Xalq deputatlari viloyat kengashi depututi Feruza Ne’matova Konstitutsiyamizning mazmun-mohiyati haqida so‘z yuritib, barcha yoshlarni shu yil 30 aprelda o‘tkaziladigan referendumga befarq bo‘lmaslikka chaqirdi.
Tadbirda shuningdek Konstitutsiyaga kiritilishi rejalashtirilgan o‘zgartishlar, yangilanayotgan Bosh Qomusimizning mamlakat taraqqiyotida tutgan o‘rni hamda referendum o‘tkazish tartibi haqida ham so‘z bordi.
Universitet badiiy jamoasi, iqtidorli talaba yoshlar tomonidan «Konstitutsiya meniki, seniki, bizniki! Konstitutsiya o‘zimizniki» shiori ostida o‘tkazilgan savol –javoblar, sahnaviy ko‘rinishlar va kuy-qo‘shiqlar kutilayotgan Yangi Konstitutsiya referendumida faol bo‘lishga chorlovchi madaniy-ma’rifiy tadbirda ishtirok etayotgan ishtirokchilarga zavq bag‘ishladi.
