Fanning maqsadi — Ta’lim sohasiga oid yo’nalish bo’lib, u umumiy o’rta va o’rta maxsus ta’lim, professional ta’lim va maktabdan tashqari ta’lim muassasalarini boshqaruvi (mulk shaklidan qat’iy nazar), ularni ijtimoiy-iqtisodiy rivojlantirish istiqbollarini belgilash bo’yicha iqtisodiy, tashkiliy va ta’lim xizmatlarini ko’rsatish masalalari yechimlarini samarali boshqaruvini amalga oshirish, ta’lim menejerligi va pedagogik faoliyat, ta’lim sifatini nazorat qilish, xalqaro baholash dasturlari, ta’limda innovatsiyalarni boshqarish, taym menejmenti kabi kompleks masalalar bilan bog’liq kasbiy sohalar majmuasini qamrab oladi.
Yo’nalish bo’yicha fan, texnika va ta’lim texnologiyalarning zamonaviy yutuqlari, kadrlar buyurtmachilari talablaridan kelib chiqqan holda bakalavrlarning kasbiy faoliyat sohalarida qo’shimcha va o’zgarishlar bo’lishi mumkin.

Fanning vazifalari:

– umumiy o’rta va o’rta maxsus ta’lim, professional ta’lim va maktabdan tashqari ta’lim tizimi muassasalari (mulk shaklidan qat’iy nazar);

– umumiy o’rta va o’rta maxsus ta’lim, professional ta’lim va maktabdan tashqari ta’limlari muassasalarida boshqaruv samaradorligi va natijadorligini oshirish va pedagogik jarayonlar;

– boshqaruvda vaziyatli va tizimli yondoshuv tamoyillarini tatbiq etish, davlat va mahalliy boshqaruv qarorlarini amalga oshirish jarayonlari;

– ta’lim muassasalarida zamonaviy boshqaruv tizimini tashkil etish, tashkiliy tuzilmalarni optimallashtirish, boshqaruv samaradorligini oshirish, ta’lim sifatini nazorat qilish, xalqaro baholash dasturlari va mehnatni rag’batlantirish jarayonlari.

O’quv rejada qayd etilgan har bir fan yakunida talaba qanday bilim va ko’nikmalarga ega bo’ladi?

• – mutaxassislik fanlarining shakllanishi va rivojlanishining tarixiy bosqichlari;
• – mutaxassislik fanlarining keyingi yutuqlari;
• – mutaxassislik fanlarining nazariy masalalari to’g’risida, jumladan, maktab menejmenti asoslari, boshqaruv uslublari, rahbarlik mahorati, boshqaruv tamoyillari kabi bilimga ega bo’lishi;
• – mutaxassislik fanlarining integrasiyasi to’g’risidagi tassavurning rivojlanishi va umumiy tavsifi;
• – mutaxassislik fanlariga tayangan holda maktab, professional ta–lim muassasalaridagi ta–lim boshqaruvini yangi metodikalarga tayangan holda amalga oshirish kompetensiyasiga ega bo’lishi;
• – Angliya, Finlandiya kabi rivojlangan xorijiy mamlakatlar ta’lim tizimidagi o’qitish metodikalari bilan tanishish va uni O’zbekiston ta’limiga moslashtirishni o’rganish ko’nikmasiga ega bo’lishi;
• – axborot va komunikatsion texnologiyalar, tizimlar bilan tanishish va ular tahlil qila bilish;
• – ta’limda zamonaviy axborot texnologiyalarni qo’llay bilish va ular asosida zamonaviy metodika elementlarini ta’limga singdirish;
• – ta–lim muassasasidagi xodimlar bilan ijtimoiy va mehnat munosabatlarini tashkil etish ko’nikmasiga ega bo’lish;
• – menejment fanlarining jamiyatdagi munosib o’rnini aniqlash;
• – olgan nazariy bilimlarini amalda tadbiq eta olish;
• – mutaxassislikka oid umumiy kasbiy kompetensiyalariga ega bo’lishi kerak.