Jizzax davlat pedagogika universitetida «2020-2025-yillarda kitobxonlik madaniyatini rivojlantirish va qo’llab-quvvatlash Milliy dasturi» doirasida talabalar o’rtasida «Eng faol kitobxon» talaba tanlovi bo’lib o’tdi.
Ishtirokchilar tezkor savol-javob hamda parcha olingan asar nomini topish va sharhlash orqali o‘zbek va jahon adabiyotining sara namunalari bo‘yicha bilimlarini namoyon etishdi.
Tanlovda universitetning Boshlang‘ich ta’lim fakulteti talabasi Shoxsanam Andaqulova 1-o‘rinni qo‘lga kiritdi.Tarix fakulteti talabasi Murod Sulaymonov hamda O‘zbek tili va adabiyoti fakulteti talabasi Diyorbek Normatov ikkinchi o‘ringa sazovor bo‘ldi. Faxrli uchinchi o‘rin esa O‘zbek tili va adabiyoti fakulteti talabasi Munisa Yakubovaga nasib etdi.
Taqdirlash marosimida g‘oliblarga faxriy yorliqlar va esdalik sovg‘alari topshirildi.
