Oʻzbekiston Respublikasi Prezidentining 2022-yil 21-iyundagi “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida”gi PQ–289-son qarorining 2-ilovasiga muvofiq tasdiqlangan “Yoʻl xaritasi” 18.1-bandida xalqaro talabalar anjumanlarini oʻtkazish va ularda xorijiy talabalar ishtirokini taʼminlash vazifasi belgilangan.
Ushbu vazifani bajarish maqsadida Abdulla Qodiriy nomidagi Jizzax davlat pedagogika universitetida 2022-yil 18-noyabr kuni “XXI asr ko‘nikmalarini ommalashtirishda talabalarning roli” mavzusidagi xalqaro ilmiy-amaliy onlayn konferensiya bo‘lib o‘tdi. Konferensiyani JDPU rektori prof. SH.S.Sharipov o’z nutqi bilan ochib berdi.
Konferensiyaning maqsadi:
-iqtidorli talabalarni jamiyatda olib borilayotgan ijtimoiy-siyosiy jarayonlardagi rolini kuchaytirish;
– innovatsion g‘oyalarni amalga oshirish va takomillashtirish;
-ularning intellektual salohiyatini yanada rivojlantirish va rag‘batlantirish;
-iqtidorli talabalarni ilmiy tadqiqot ishlariga keng jalb qilish;
«XXI asr ko‘nikmalarini ommalashtirishda talabalarning roli” mavzusidagi xalqaro ilmiy-amaliy onlayn konferensiyasi ijtimoiy-iqtisodiy va siyosiy, madaniyat, tibbiyot, texnika va ishlab chiqarish sohalarini qamrab oldi.
