A.Qodiriy nomidagi Jizzax davlat pedagogika universiteti Pedagogika va psixologiya fakulteti jamoasi tashabbusi bilan Zomin tuman “Baxt” mahallasida, “Yangi O’zbekistonning ertangi kelajagi-Ma’nan yetuk va barkamol avlod qo’lida!” mavzusida  ma’naviy-ma’rifiy tadbir o’tkazildi. Mahalladagi yoshlarni qo‘llab quvvatlash maqsadida tashkil etilgan tadbir mamlakatimizda amalga oshirilayotgan islohatlar, yoshlarga berilayotgan imkoniyatlar haqidagi iliq fikrlar bilan boshlandi.

Fakultet professor-o’qituvchilari va talabalari “Baxt” mahallasida joylashgan 25 – son umumiy o’rta ta’lim maktabi hamda O‘zbekiston Respublikasi Milliy gvardiyasi Jizzax mintaqaviy o‘quv markazida «Yashil makon» umummilliy loyihasi doirasida mevali va manzarali ko‘chatlar ekishdi.

Tadbir davomida mahallada uyushmagan yoshlar bilan futbol musobaqasi, shaxmat-shashka musobaqasi, «Zakovat” intellektual oʼyini va “Issiq non” loyihasi  amalga oshirildi.

Hududdagi  yoshi ulug’ keksa insonlar holidan xabar olindi. Tadbir so’ngida musobaqa g’oliblari taqdirlandi hamda talabalar tomonidan tayyorlangan konsert dasturi namoyish etildi.