Prezidentimiz Shavkat Mirziyoev boshchiligida mamlakatimizda amalga oshirilayotgan “Yashil makon” umummilliy loyihasi endi Turkiy davlatlar tashkiloti darajasida ham tashabbus sifatida olib chiqilmoqda.

Bugun 11 noyabr kuni Turkiy davlatlar tashkiloti Samarqand sammiti doirasida tashkilotga a’zo va kuzatuvchi maqomidagi mamlakatlar davlat rahbarlari ishtirokida Registon maydonida ko‘chat ekish tadbiri o‘tkazildi.

Bir vaqtning o‘zida respublikamizning barcha viloyat va shaxarlarida ko‘chat ekish tadbiri ham uyushtirildi. Ushbu xayrli loyihada Jizzax davlat pedagogika universiteti professor-o‘qituvchilari, talaba yoshlari ham faol ishtirok etdi. Jizzax shaxridagi “Sug‘diyona” sport majmuasi atrofiga ekilgan har bir ko‘chat tabiat musaffoligini asrash uchun  qo‘yilgan qadamdir. Ta’kidlash joiz, davlat rahbari tashabbusi bilan ilgari surilgan ezgu loyiha bir vaqtning o‘zida Turkiya, Ozarbayjon, Qozog‘iston, Qirg‘iziston, Vengriya va Turkmaniston davlatlari poytaxtlarida ham bo‘lib o‘tdi.