A.Qodiriy nomidagi Jizzax davlat pedagogika universiteti Boshlang’ich ta’lim fakulteti jamoasi O‘zbekiston Respublikasi Prezidentining PQ-92-son “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida” 2022 yil 19 yanvardagi qarori hamda universitet rektorining 2022yil 17-oktabr sanasida tasdiqlagan “Mahallalarda yoshlar bilan ishlash tizimini tubdan takomillashtirish bo’yicha Jizzax davlat pedagogika universitetiga biriktirilgan mahallalardagi yoshlarning bo’sh vaqtini mazmunli tashkil etish yuzasidan” manzilli reja jadvalida belgilangan vazifalar ijrosini ta’minlash maqsadida Zomin tuman “Chamanzor” mahallasida mahalla yoshlarini ishtirokida “Yangi O‘zbekistonda-yangi maqsadlar sari!” mavzusidagi ma’naviy-ma’rifiy tadbir o’tkazishdi.
Tadbirda fakultet professor-o’qituvchilari mamlakatimizda amalga oshirilayotgan islohatlar, yoshlarga berilayotgan imkoniyatlar haqida so‘z yuritishdi. Tadbirda shuningdek talabalar ijrosida bugungi muammolar va og‘riqli vaziyatlarni o‘zida aks ettiruvchi saxna ko’rinishlari ham namoyish etishdi.
