JDPU ga Novosibirsk davlat universitetidan mehmonlar tashrif buyurdi.
Sohada hamkorlikni yanada mustahkamlash, kelgusidagi pirovard masalalarni kelishib olish maqsadida joriy yilning 19 oktabr kuni Novosibirsk davlat universitetidan tarix fanlari doktori professor A.S.Zuev boshchiligidagi professor-o‘qituvchilardan iborat delegatsiya Jizzax davlat pedagogika universitetiga tashrif buyurdi.
Uchrashuv davomida Jizzax davlat pedagogika universiteti rektori Sh.Sharipov oliygohlar o‘rtasidagi o‘zaro hamkorlik va bugungi tashrif aloqalarimizni yanada mustahkamlanishiga xizmat qilishini ta’kidladi. Tashkil etilgan uchrashuvda universitet rektori Jizzax vohasi, yaqin kunlarda o‘zining 50 yillik tantanalarini nishonlash arafasida turgan ta’lim muassasasi xususida ham ma’lumotlarni taqdim etdi. Suhbat davomida rektor shuningdek oliygohlar o‘rtasida kelgusidagi hamkorlik aloqalarining istiqbolli yo‘nalishlari Novosibrsk davlat universitetining professor-o‘qituvchilarini oliygohga talabalarga dars berish maqsadida taklif etish, talabalar va ustozlar mobilligi, boshqa yo‘nalashilar o‘rtasida ham hamkorlik aloqalarini o‘rnatish masalalariga alohida e’tibor qaratdi.
Muloqot jarayonida Novosibirsk davlat universitetining vakili A.S.Zuev tomonidan O‘zbekistondagi oliy ta’lim muassasalari xususan JDPU bilan mustahkam aloqalarni yo‘lga qo‘yish ikki tomonlama ham manfaatli ekanligi va bu ishlarni jadallashtirish uchun choar-tadbirlarni belgilab uni tezroq amalaga oshirish lozimligini ta’kidlab o‘tdi.
Samimiy va ochiq muloqot tarzida bo‘lib o‘tgan uchrashuv so‘ngida, mehmonlarga universitet ma’muriyatining maxsus sovg‘alari ulashildi. O‘z navbatida mehmonlar hamesdalik sovg‘alarini topshirishdi.Tashrifning ilk kuni oliygohning Tarix fakulteti professor-o‘qituvchilari va talabalri bilan uchrashuv hamda Qatag‘on qurbonlari xotira muzeyiga sayohat bilan yakunlandi.
