Tadbirni fakultet dekani A.Mamatov ochib, kirish so‘zida O‘zbekiston Respublikasi Konstitutsiyasi davlatimiz taraqqiyoti, halqimiz farovonligi yo‘lida naqadar muhimligi, uning o‘sib kelayotgan yoshlarimiz ta’lim-tarbiyasidagi o‘rni haqida gapirdi.
Shundan so‘ng so‘z olgan ma’naviy va ma’rifiy ishlar bo‘yicha dekan o‘rinbosari N.Karimov ta’lim sohasida amalga oshirilayotgan salmoqli ishlar, yaratilayotgan sharoitlar yoshlardan faqat oldinga intilish uchun yordam berishi, ushbu amalga oshirilayotgan ishlarning yurtimiz kelajagi bo‘lmish yoshlarning shaxs sifatida shakllanishida ulkan o‘rni haqida to‘xtalib o‘tdi.
Tadbirda so‘z olgan rus tili va adabiyotini o‘qitish metodikasi kafedrasi mudiri Z.J.Pardaeva 25 yil ichida Konstitutsiyamizga tayangan holda O‘zbekiston halqining qanday yutuqlarga erishganligi haqida gapirib o‘tdi.
Ingliz tili va adabiyotini o‘qitish metodikasi kafedrasi mudiri R.Norbekova ushbu davr mobaynida Konstitutsiyadagi har bir moddaning albatta inson huquq va manfaatlari uchun xizmat qilishini ta’kidlab o‘tdi.
Tadbir davomida so‘z olgan har bir notiq o‘z so‘zlarida O‘zbekiston Respublikasi Konstitutsiyasi haqida juda samimiy gaplar aytib, bunday Vatanda yashayotganligidan faxrlanishlarini ta’kidlashdi.
Tadbir davomida talabalar tomonidan tayyorlangan sahna ko‘rinishlari, she’riy va musiqiy chiqishlar bo‘lib o‘tdi. Tadbir qiziqarli va mazmunli o‘tdi.
