2021 yil 25 Mart kuni Jizzax davlat pedagogika institutida Webster Universiteti bilan hamkorlikda JDPI talabalari uchun “O`zbekistondagi mahalliy hamda xalqaro OTMlarda ta`lim olishning afzalliklari va qiyinchiliklari” mavzusida onlayn seminar tashkillashtirildi. Seminarning asosiy maqsadi Webster Universiteti Magistratura dasturlari, mahalliy hamda xalqaro OTMlarda ta`lim olishning afzalliklari va qiyinchiliklari haqida talabalarga ma`lumot berishdan iborat edi.
Seminarni Jizzax davlat pedagogika instituti Rektori Sh.S.Sharipov kirish so`zi bilan ochib berdi. Sh.S.Sharipov o`z nutqida Jizzax davlat pedagogika instituti xalqaro hamkorlik aloqalari, Webster universiteti bilan kelgusidagi hamkorlik rejalari, hamkorlikdan kutilayotgan natijalar, chet tillarni o`rganishning ahamiyati, xalqaro tajriba almashish va xorij tajribalaridan ta`lim jarayonida keng foydalanish haqida to`xtalib o`tdi.
Shundan so`ng Webster universiteti rektori Dr.John Greigner va Webster universiteti prorektori Dr. Slobodan Pesic qutov so`zlari bilan davom ettirishdi.
Seminar davomida Webster universiteti magistratura dasturi koordinatorlari Rohatoy Boltayeva, Oybek Imomov, Madina Rajapova, Sevara Ahmetjanovalar
- MBA – Biznes ma’muriyati magistri;
- MA TESL – Ingliz tilini ikkinchi til sifatida o’qitish bo’yicha magistri;
- MA EDIN – Ta’lim va innovatsiyalar bo’yicha magistri yo`nalishlari bo`yicha taqdimotlar qilishdi.
Seminar so`nggida savol-javoblar tashkillashtirildi va ishtirokchilar o`z fikr-mulohazalari bilan bo`lishishdi.
