O‘zbekiston Respublikasi davlat mustaqilligining 35 yilligi munosabati bilan Jizzax shahrida “Vatanparvarlik paradi” yuqori saviyada tashkil etildi.
Parad Sharof Rashidov shoh ko‘chasi bo‘ylab Jizzax jamoat salomatligi texnikumidan “Yoshlar shaharchasi”gacha harbiy orkestr sadolari ostida o‘tkazildi. Unda O‘zbekiston Respublikasi Davlat bayrog‘i tantanali ravishda olib o‘tildi.
Tadbirda Milliy gvardiya otliq bo‘linmalari, harbiy xizmatchilar, yoshlar, talabalar, sportchilar va keng jamoatchilik qatori Jizzax davlat pedagogika universiteti rektorati, tyutorlari, professor-o‘qituvchilari, xodimlari hamda talabalari ham faol ishtirok etib, yurtimiz ramzlariga bo‘lgan hurmat va vatanparvarlik tuyg‘ularini namoyon etdilar.
