Jizzax viloyati Ichki ishlar boshqarmasi boshlig‘i, general-mayor G‘ayrat Toirovich Qodirov Payshanba — Yoshlar kuni munosabati bilan 4-sonli talabalar turar joyiga tashrif buyurdi.

Tashrif davomida mas’ullar va yoshlar ishtirokida ochiq muloqot tashkil etildi. Samimiy va sokin muhitda, kechki gulxan atrofida o‘tgan suhbatda talabalarning fikr-mulohazalari tinglandi.

General-mayor dastlab TTJ hududini aylanib chiqib, yoshlar uchun yaratilgan sharoitlar bilan tanishdi. Shuningdek, “Qalqon” guruhi faoliyati ko‘zdan kechirilib, talabalar ishtirokida o‘tkazilayotgan sport mashg‘ulotlari va o‘yinlar kuzatildi.

Suhbat davomida ichki ishlar organlaridagi mas’uliyatli xizmat, jamiyatda tartib va xavfsizlikni ta’minlashning ahamiyati hamda yoshlar uchun yaratilayotgan imkoniyatlardan samarali foydalanish masalalari haqida batafsil fikr almashildi.

Tadbir yakunida talabalarning ijodiy chiqishlari namoyish etildi.