Jizzax davlat pedagogika universitetida “Quvnoqlar va zukkolar” ko‘rik-tanlovining 2026-yilgi mavsum final bosqichi yuqori saviyada tashkil etildi. Unda Filologiya fakultetining “United”, Tabiiy fanlar fakultetining “Bojalar” hamda Maktabgacha va boshlang‘ich ta’lim fakultetining “Shaddod qizlar” jamoalari o‘zaro bellashdilar.

Tanlovning dastlabki ikki sharti davomida “Shaddod qizlar” jamoasi yuqori natijalar bilan peshqadamlikni saqlab kelgan bo‘lsa, hal qiluvchi uchinchi shartda Tabiiy fanlar fakultetining “Bojalar” jamoasi eng yuqori ballni qo‘lga kiritib, keskin va murosasiz kechgan bahslar yakunida “Quvnoqlar va zukkolar” ko‘rik-tanlovining 2026-yilgi mavsum chempioniga aylandi hamda musobaqa kubogini qo‘lga kiritdi.

Final bosqichi davomida barcha jamoalar o‘zlarining ijodkorligi, sahna madaniyati, hozirjavobligi va jamoaviy hamjihatligini namoyon etib, tomoshabinlarga ko‘tarinki kayfiyat ulashdilar. Tanlov yakunida g‘olib va faol ishtirokchilar munosib taqdirlandi.