Jizzax davlat pedagogika universitetida dekan o‘rinbosarlari, tyutorlar hamda ma’naviy-ma’rifiy ishlar bo‘yicha mas’ul xodimlar uchun “Pedagogik professionalizm” mavzusida seminar-trening tashkil etildi.

Seminar-treningni Toshkent davlat o‘zbek tili va adabiyoti universiteti huzuridagi Pedagog kadrlarni qayta tayyorlash va ularning malakasini oshirish tarmoq markazi katta o‘qituvchisi Ravshan Jo‘rayevich Ishmuxamedov olib bordi. Tadbirda universitetning yoshlar masalalari va ma’naviy-ma’rifiy ishlar bo‘yicha dekan o‘rinbosarlari, bo‘lim xodimlari hamda tyutorlar ishtirok etdi.

Mashg‘ulot davomida pedagogik professionalizm, zamonaviy o‘qitish yondashuvlari va ta’lim jarayonida kasbiy kompetensiyalarni rivojlantirish masalalari muhokama qilindi. Seminar ishtirokchilari pedagogik faoliyatda samaradorlikni oshirishga qaratilgan amaliy tavsiyalar va interaktiv yondashuvlar bilan tanishdilar.