Jizzax davlat pedagogika universitetida “Yangi O‘zbekiston talabalar olimpiadasi” doirasida sport musobaqalari davom etmoqda.
Ilgari basketbol bo‘yicha o‘yinlar o‘tkazilgan bo‘lsa, ayni damda sportning gandbol turi bo‘yicha fakultetlararo bosqich bellashuvlari tashkil etilmoqda.
Musobaqaning ochilish marosimida universitet rektori Maksudjan Yuldashev hamda rahbariyat vakillari ishtirok etib, ishtirokchilarga omad tiladi.
Ayni paytda o‘yinlar yuqori kayfiyat, murosasiz va shiddatli kurashlar ostida davom etmoqda. Musobaqa yakunida g‘olib bo‘lgan fakultet jamoalari final bosqichida o‘zaro kuch sinashadi.
