Jizzax davlat pedagogika universitetining “Nuroniylar” kengashi va Jizzax shahar Nuroniylar kengashi huzuridagi “Buvijonlar maktabi” hamkorligida Amir Temur tavalludining 690-yilligi oldidan badiiy-ma’rifiy tadbir tashkil etildi.
Tadbir davomida ishtirokchilar Amir Temurning hayoti va hukmronlik davri, Temur va temuriylar zamonida xotin-qizlar faoliyati hamda buyuk sarkardaning ilm-fan va madaniyat sohasiga qo‘shgan hissasi haqida ma’lumot oldilar.
Shuningdek, ta’lim muassasalarida Amir Temur siymosi mavzusidagi ma’ruzalar ishtirokchilarda tarixiy tafakkurni rivojlantirishga xizmat qildi.
Boshlang‘ich va maktabgacha ta’lim pedagogika oliy maktabi hamda shahrimizdagi 6-sonli umumta’lim maktabi o‘quvchilari tomonidan tayyorlangan badiiy chiqishlar tadbirga nafosat va fayz bag‘ishlab, quvonch ulashdi, mehmonlar va ishtirokchilar tomonidan qizg‘in qo‘llab-quvvatlandi.
