Barcha oliy ta’lim muassasalarida aprel va may oylari “Sport va sog‘lomlashtirish oyligi” deb e’lon qilinganligi munosabati bilan bugun Jizzax davlat pedagogika universitetida shanba — ijtimoiy faollik kuni doirasida talaba-yoshlar ishtirokida ommaviy sport tadbirlari tashkil etildi.
Universitet hududidagi sport maydonchalari voleybol, basketbol, futbol, yengil atletika hamda stol tennisi musobaqalari bilan gavjum bo‘ldi.
Mazkur tadbirlar “Giyohvandlikka qarshi kurash” hamda “Sog‘lom hayot uchun” shiorlari ostida o‘tkazilib, yoshlar o‘rtasida sog‘lom turmush tarzini keng targ‘ib etishga xizmat qilmoqda.
