Jizzax davlat pedagogika universiteti xodimlari Zomindagi sayohatlardan ilhomlanmoqda.

Joriy yilning 14–15-fevral kunlari Jizzax davlat pedagogika universiteti professor-o‘qituvchilari uchun Zomin dam olish maskaniga uyushtirilgan sayohat nafaqat dam olish, balki ruhiy yangilanish va ilhom manbaiga aylandi.

Qishning musaffo havosi, Zomin tog‘larining salobati va tabiatning betakror go‘zalligi ishtirokchilar qalbiga iliqlik bag‘ishladi. Moviy osmon bag‘rida qad rostlagan archazorlar, musaffo havo va sokin muhit har bir insonga hayot zavqini yanada chuqurroq his etish imkoinni berdi.

Sayohat davomida universitet xodimlari hududdagi sog‘lomlashtirish maskanlari va diqqatga sazovor tarixiy joylar bilan yaqindan tanishdilar. Birgalikdagi suhbatlar, sayrlar jamoa birligini yanada mustahkamladi.

Bu sayohat har bir ishtirokchi uchun kuch, tetiklik va ijodiy ruh bag‘ishladi. Tabiat qo‘ynida o‘tgan ikki kun ular qalbida unutilmas xotiralar sifatida muhrlandi. Eng muhimi, safar jamoaga yangicha g‘oyalar, yuqori motivatsiya va kelgusi faoliyat uchun ilhom manbai bo‘ldi.

Ta’kidlash joiz, universitetdagi barcha professor-o‘qituvchilar to‘liq dam olib qaytmaguncha Zominga sayohatlar va dam olishlar davom ettiriladi.