Зулфия номидаги Давлат мукофоти совриндорларининг ибратли фаолиятини кенг тарғиб этиш мақсадида ўтказилган «Бахтим шул – ўзбекнинг Зулфиясиман» деб номланган бадиий тадбирни институт Хотин-қизлар қўмитаси бошланғич ташкилоти раиси З.Абдувалиева ўзининг кириш сўзи билан очди. З.Абдувалиева ўз нутқида қуйидагиларни гапирди: Келажаги буюк давлатни барпо этишни ўз олдимизга мақсад қилган эканмиз, бунинг учун авволо, соғлом миллатни ва соғлом авлодни шакллантирмоқ лозим. Ана шундай олий мақсадлар йўлида институтимизда қатор самарали ишлар амалга оширилиб келмоқда. Тарбия замирида машаққатли меҳнат, сабр-қаноат, етарлича дунёвий, сиёсий ва хуқуқий билимлар жамламаси ётади. Аёл баркамол юрт келажакгининг равнақига ўз хиссасини қўша оладиган авлодни тарбиялаши учун ана шундай кўникмаларга эга бўлмоғи лозим.
Институт Хотин-қизлар қўмитаси бошланғич ташкилоти хотин-қизларнинг ижтимоий-сиёсий, иқтисодий ва маданий ҳаётда тўлақонли иштирок этишини
таъминлаш, уларнинг маънавий ва интеллектуал савиясини юксалтириш борасида олиб борилаётган ишларнинг самарадорлигини ошириш, шунингдек, уларни ижтимоий-хуқуқий жиҳатдан қўллаб-қувватлаш оналик ва болаликни муҳофаза қилиш ва уларга етарли шароитлар яратиб бериш, ёшларни маънавий баркамол, ғоявий курашчан, миллат ва давлатнинг барқарорлиги ҳамда тараққиёти йўлида ўз кучини аямайдиган, миллий қадриятларни улуғлайдиган, маънавий тахдидларга қарши тура оладиган, ўзида фидоийлик ҳиссини мужассамлаштирган инсонлар қилиб тарбиялашда институтда фаолият юратаётган жамоат ташкилотлари билан ҳамкорликда талаба-қизлар ўртасида олиб борилаётган маънавий-ахлоқий, тарбиявий, оилавий хаётга тайёрлаш борасидаги ишларни янада яхшилаш мақсадида қатор самарали ишлар, тадбирлар амалга оширилиб келинмоқда.
Бу борада ўтказилаётган тадбирлар талаба-қизларни соғлом ва баркамол, маънавий етук қилиб хаётга тайёрлашда, уларни эзгу ишларга банд этишда муҳим ўрин тутади. Шундай олиб борилаётган амалий ишлар ва тадбирлар самараси ўлароқ иқтидорли талаба-қизлар орасидан институтда 4 нафар Зулфия номидаги Давлат мукофоти, 1нафар Ниҳол мукофоти соҳибаси, бир нечта спорт усталари, спортнинг турли соҳалари бўйича чемпионлар, Навоий, Улуғбек, Беруний номли Давлат сипендияси соҳибалари, Президент сипендиантлари, фан олимпиадаси ва Юрт келажаги танлови ғолибалари шулар жумласидандир. Институтимиз қўшидаги 2-сонли академик лицей ўкувчиси Моҳигул Райимқулованинг 2016 йил Зулфия номидаги Давлат мукофоти соҳибаси бўлганлиги барчамизни қувонтирди
Ўзбекистон Республикаси Президентининг “Зулфия номидаги Давлат мукофоти билан тақдирлаш тўғрисида”ги 2016 йил 1 мартдаги ПҚ-2501 сонли Қарори ҳамда Халқ таълими вазирлигининнг 2016 йил 5 мартдаги 01-19 сонли чора-тадбирлар режаси ижросини таъминлаш мақсадида А.Қодирий номидаги Жиззах давлат педагогика институти Хотин-қизлар қўмитаси бошланғич ташкилоти, шаҳар Хотин-қизлар қўмитаси, Маънавий –маърифий бўлим, Ўзбекистон халқ демократик партияси вилоят Кенгаши, Ўзбекистон “Миллий тикланиш” демократик партияси шаҳар Кенгаши, маънавий-маърифий бўлим, “Камолот” ЁИҲбт , Ахборот-Ресурс маркази ҳамкорлигида Зулфия номидаги Давлат мукофоти совриндорларининг ибратли фаолиятини кенг тарғиб этиш мақсадида ташкил этилган «Бахтим шул – ўзбекнинг Зулфиясиман»
деб номланган бадиий тадбирни очиқ деб эълон қиламан.
Табрик учун сўз Г.Тўраевага берилди: Г.Тўраева ўз нутқида, Ўзбекистон Республикаси Президентининг 1999 йил 10 июнда қабул қилинган “Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида”ги Фармони моҳиятини кенг тарғиб этиш, турли нуфузли танловлар ҳамда фан олимпиадаси ғолибларининг манзилли рўйхати асосида олий таълим муассасасида “Иқтидорли қизлар заҳираси”ни яратиш ва уни йилдан йилга янгилаб бориш мақсадга мувофиқдир. Бугунги Зулфия номидаги Давлат мукофоти соҳибалари билан талабаларнинг учрашувини ташкил этилиши талаба-қизларимизда ҳавас, ўзига ишонч, юксакларга интилиш бўйича ўзининг салоҳиятини кўрсатиш ҳисси уйғонади.
Сўзга чиққан шахар Хотин-қизлар қўмитаси раиси Н.Мухторова ҳам Зулфия номидаги Давлат мукофотига қизиқиш ва талабгорлар сони йилдан йилга ортиб бораётгани, бу эса ёш қизларимизни ватанпарварлик, маънавий етуклик, Ватанимиз тарихи, миллий алломаларимиз ва жаҳон маданий меросини яҳши эгаллашга, сиёсий-ижтимоий ҳаётда фаол, ташаббускор бўлишга, танлаган соҳаларида турли хил ютуқларни қўлга киритишга, хорижий тилларни ўрганишга ундамоқда. Ушбу тадбир ҳам ана шундай мақсадли режаларга қаратилган.
Институт илмий ишлар проректори М.Султонов сўзга чиқиб, институт раҳбарияти ва ўз номидан тадбир иштирокчиларини чин дилдан табриклади. Ўзбекистон Республикаси Халқ таълим вазири У.И.Иноятовнинг ЖДПИ қошидаги 2-сонли академик лицей ўқувчиси Мохигул Райимқулованинг номига юборилган табрик хатини ўқиб эшиттирди ва раҳбарият томонидан тайёрланган совғаларни топширди.
Ф.Исроилова – Мактaбгача ва бошланғич таълим факультети Хотин-қизлар қўмитаси раиси ўз нутқида шундай деди: Хотин-қизлар томонидан факулттимизда оила ва жамиятда ота-онанинг ўрни, аёларнинг жамиятдаги мавқейи ҳақида, талаба-қизларни оилавий ҳаётга тайёрлаш тўғрисида тарғибот-ташвиқот ишлари амалга оширилмоқда. Шулар қаторига факультетда ташкил этилган “Ораста қизлар” тўгараги, “Ёш оилалар” клуби машғулотлари талаба-қизларимизнинг оилавий ҳаётга тайёрлашда кўмаклашмоқда. Айниқса, “Ораста қизлар” тўгарида талаба-қизлар учун жуда фойдали ва қизиқарли машғулотларни ўтказилмоқда. Масалан: “Қиз бола орасталик тимсоли”, “Қиз боланинг оиладаги ўрни ва ҳулқ-одоби”, “Қиз боланинг жамият жойларда ўзини тутиши”, “Мулоқот маданияти”, “Қиз боланинг талабалик бурчлари”, “Қиз бола-пазанда”, “Қиз бола-чевар”, “Қиз бола-тадбиркор”, “Қиз бола-келин” каби мавзуларда йил давомида юқори савияда давра суҳбатлари ва тадбирлар ташкил этилган. Жорий йилда ҳам бундай тадбирлар қўплаб ўтказилмоқда.
Тадбирда Ўзбекистон халқ демократик партияси вилоят Кенгаши хотин-қизларнинг ижтимоий-сиёсий фаолигини ошириш сектори мудири – Ж.Шукуралиева, Ўзбекистон “Миллий тикланиш” демократик партияси шаҳар Кенгаши раиси – Н.Мухторова, Зулфия номидаги Давлат мукофоти соҳибаси М.Ёқубовалар ҳам сўзга чикди.
Тадбир сўнгида институт мусиқа таълими йўналлиши профессор-ўқитувчилари, талабалари ва институтининг иқтидорли талабалари иштирокида бадиий дастур ҳавола этилди.
