2 sentabr kuni respublika oliy ta’lim muassasalarida talaba bo‘lish istagida bo‘lgan abiturientlar uchun test sinovlari boshlandi.
Bugun Jizzaxning Sug‘diyona Markaziy o‘yingohidagi 3240 nafar abiturient test topshirishi uchun tayyorlab qo‘yilgan joylarni talaba bo‘lish istagida bo‘lgan abiturientlar egalladi. Bu yil Jizzax viloyatidagi OTMlariga 70 ming 743 nafar abiturient hujjat topshirgan bo‘lsa, shulardan 48011 nafarini A. Qodiriy nomidagi Jizzax davlat pedagogika institutiga topshirgan abiturientlar tashkil qiladi.Eslatib o‘tamiz test sinovlari 14 kun davom etadi.
test sinovlari 2 smenada boʻlib oʻtadi:
1-smena — 08:00 dan 11:00 gacha;
2-smena — 17:00 dan 20:00 gacha.
2020/2021 o‘quv yili uchun JDPIda kasbiy (ijodiy) kirish imtihonlari ham boshlandi. Jismoniy madaniyat yo‘nalishi bo‘yicha kunduzgi, sirtqi bo‘limga hujjat topshirgan jami 5080 nafar abiturientlar 2 sentabrdan to – 18 sentabrgacha shaxrimizdagi Yong‘inga qarshi kurash bo‘limi sport maydonlarida kirish imtixonlarini topshirishadi.
Musiqa ta’limi yo‘nalishi bo‘yicha 784 nafar abiturientlar ijodiy imtihondan o‘tish uchun ro‘yxatdan o‘tishgan. Bugun JDPI madaniyat saroyida ijodiy imtihonlarning ilk kuni. Sinov oldida turgan abiturientlarning yuz ko‘zlarida hayajon shundoqqina bilinib turibdi.
Tasviriy sa’nat va muhandislik grafikasi yo‘nalishi bo‘yicha imtixonlarni topshiradigan abiturientlarimiz uchun esa JDPI sport majmuasi tayyorlab qo‘yilgan. Bu yerda abiturientlar uchun yetarlicha sharoitlar yaratilgan. Jumladan har bir imtixon topshiruvchi abiturient 6metr kv. Oralig‘ida masofa saqlangan xolatda imtixon topshirishlari uchun ish qurollaridan tortib ichimlik suvi, dizinfeksiya vositalari, hamda himoya vositalarigacha (rezina qo‘lqop va tibbiy niqoblar) institut hisobidan taxt qilib qo‘yilgan.
JDPI da kasbiy (ijodiy) imtixon topshiradigan barcha abiturentlar soni 6912 nafarni tashkil etadi. Ularning ichida nogironligi bor abiturientlarimiz ham bor.Ta’kidlash joiz ular uchun ham yetarli sharoitlarni yaratib qo‘yilgan.
Xullas, pandemiya munosabati bilan ochiq osmon ostida test topshirishayotgan, hamda kasbiy va ijodiy imtihonlarni o‘tayotgan barcha abiturientlarga omad tilab qolamiz.
