Inson hayotidagi eng quvonchli kunlari albatta talabalik hayoti bilan bog‘liq. Talabalik yillari… sarguzashtga to‘la o‘sha kunlarni yodga olganimizda ko‘nglimizda chuqur entikish va sog‘inchni his qilamiz. Bugun Jizzax Davlat Pedagogika Oliygohida ko‘zlarida olam –olam quvonch , yangilikkka tashnalik ila oliygoh darvozasidan dadil qadamlar bilan kirib kelayotgan bir guruh talaba yigit qizlarni ko‘rib , siz-u biz his qilgan o‘sha masrur onlar yodimizga keladi.

Institut “Madaniyat saroyida” bo‘lib o‘tgan “Orientation week” ( Birinchi kurs maktabi) tadbirida ana shunday bilimga chanqoq, ko‘nglida ezgu maqsadlar bilan ilm olishga intilayotgan Fizika –matematika hamda Mehnat ta’limi fakultetlariga qabul qilingan birinchi kunrs talabalari taklif etildi.

Tadbirda so‘zga chiqqan institut yoshlar bilan ishlash bo‘yicha prorektor Sarvar Nazarqosimov talaba yigit qizlarni talabalik unvoni bilan tabriklash bilan bir qatorda institut faoliyati, ta’lim muassasasida olib borilayotgan ishlar to‘g‘risida ma’lumot berdi.

Haqiqiy talaba albatta yuqori natijalarga erishib iqtidori va turli g‘oyalarini namoyish etishni istaydi. Buning uchun institutda barcha sharoitlar mujassam. Institutning ilmiy ishlar yo‘nalishi bo‘yicha prorektori G‘ayrat Qodirov bu borada talabalarga ma’lumot berish bilan bir qatorda , halqaro hamkorlik, ilmiy ish olib borish tartiblari bilan ham yaqindan tanishtirib o‘tdi.

Talabalarni institut faoliyati bilan yaqindan tanishtirish tadbiri yakunida talabalar o‘zlarini qiziqtirgan savollarni berishdi. SHundan so‘ng institut badiiy jamoasi ijrosidagi kuy va qo‘shiqlar , yig‘ilganlar e’tiboriga havola etildi.

Jizzax davlat pedagogika instituti
Axborot xizmati