Jizzax shahridagi Qozon Federal universiteti filialida JDPU Korrupsiyaga qarshi kurashish “Komplaens nazorat” tizimini boshqarish bo‘limi xodimlari hamda universitet professor-o‘qituvchilari ishtirokida uchrashuv tashkil etildi.
Unda O‘zbekiston Respublikasi Oliy ta’lim, fan va innovatsiyalar vazirining 2025-yil 14-oktyabrdagi 404-sonli buyrug‘i asosida korrupsiyaga qarshi kurashish siyosatining mazmun-mohiyati atroflicha tushuntirildi.
Shuningdek, uchrashuv davomida sovg‘alar va mehmondo‘stlik belgilarini qabul qilish tartibi, manfaatlar to‘qnashuvini boshqarish, uni aniqlash va oshkor etish masalalari misollar orqali izohlandi. Ishtirokchilar o‘rtasida savol-javoblar tashkil etilib, korrupsiya va manfaatlar to‘qnashuvining oldini olish bo‘yicha taklif va tavsiyalar bildirildi.
