Filologiya fakulteti tyutori va 1-kurs talabalari ishtirokida “Siyosiy. g‘oyaviy va iqtisodiy korrupsiya-xavfsizlikka tahdid, xalqaro korrupsiya, iqtisodiy-siyosiy manfaatlar to‘qnashuvi oqibati sifatida” mavzusida seminar-trening o‘tkazildi.

Tadbir davomida korrupsiyaning siyosiy, g‘oyaviy va iqtisodiy ko‘rinishlari, uning davlat boshqaruvi tizimiga ta’siri, ijtimoiy-huquqiy oqibatlari hamda korrupsiya xavfini kamaytirishning institutsional va huquqiy mexanizmlari atroflicha muhokama qilindi.

Shuningdek, manfaatlar to‘qnashuvining mazmuni, turlari, kelib chiqish sabablari va uni bartaraf etish usullari, ayniqsa ta’lim sohasidagi holatlar misolida tushuntirib berildi.

Seminar jarayonida Virtual akademiya elektron platformasining o‘quv imkoniyatlari taqdim etildi. Talaba-yoshlarga mazkur platforma orqali huquqiy bilimlarni mustahkamlash, mustaqil ta’lim olish va interaktiv kurslardan samarali foydalanish tartibi bo‘yicha amaliy ko‘rsatmalar berildi.