Yig‘ilish universitetning yoshlar masalalari va ma’naviy-ma’rifiy ishlar bo‘yicha birinchi prorektori Farrux Akchayev boshchiligida o‘tkazildi.

Yig‘ilishda talabalar o‘rtasida diniy mutaassiblik va yot g‘oyalar ta’sirining oldini olish, taqiqlangan guruhlar faoliyatini nazorat qilish, kiyinish va xulq-atvor madaniyatiga rioya etilishini ta’minlash, narkojinoyatchilik profilaktikasi, ijara xonadonlardagi yashash sharoitlarini o‘rganish hamda huquqbuzarliklarni barvaqt aniqlash masalalari muhokama qilindi.

Shuningdek, talabalarning bo‘sh vaqtlarini mazmunli tashkil etish maqsadida ma’naviy-ma’rifiy va madaniy tadbirlar sifatini oshirish, sog‘lom turmush tarzini targ‘ib qilish, kitobxonlikni rivojlantirish, intellektual va sport musobaqalarini ko‘paytirish bo‘yicha aniq vazifalar belgilab olindi.

Tanqidiy-tahliliy ruhda o‘tgan yig‘ilish yakunida mas’ullarga belgilangan yo‘nalishlar bo‘yicha tizimli va samarali ishlarni tashkil etish yuzasidan aniq topshiriqlar berildi.

Yig‘ilishda rektor maslahatchisi L. Fozilov, profilaktika inspektori, yoshlar va ma’naviyat bo‘limi mas’ullari, universitet psixologlari, fakultetlarning yoshlar masalalari bo‘yicha dekan o‘rinbosarlari hamda tyutorlar ishtirok etdi.