Jizzax davlat pedagogika universitetida 2025–2026 o‘quv yili qishki ta’tili munosabati bilan talabalarni doimiy yashash joylariga xavfsiz va tartibli ravishda kuzatish ishlari amalga oshirildi.
Joriy o‘quv yilida universitetda jami 15 973 nafar talaba tahsil olyapti, shundan 9 213 nafari kunduzgi ta’lim shaklida o‘qiydi. Kunduzgi ta’lim talabalarining yashash joylari bo‘yicha taqsimotiga ko‘ra, 4 457 nafar talaba o‘z uyidan qatnab tahsil olgan, 3 043 nafari ijara xonadonlarda, 515 nafari yaqin qarindoshlari xonadonida, 1 198 nafari esa universitet talabalar turar joylarida istiqomat qilgan.
Universitet tasarrufidagi talabalar turar joylarida jami 1 248 nafar talaba yashab kelgan bo‘lib, ular 1-sonli TTJda 504 nafar, 2-sonli TTJda 100 nafar, 3-sonli TTJda 50 nafar hamda 4-sonli TTJ (DXSH)da 594 nafarni tashkil etgan.
2025-yil 29-dekabr holatiga ko‘ra, barcha talabalar qishki ta’tilga to‘liq kuzatildi. Shuningdek, universitetning barcha talabalar turar joylari belgilangan tartibda muhrlanib, xavfsizlik va saqlanish choralari ko‘rildi.
Mazkur ishlar talabalarning xavfsizligini ta’minlash, ularni qishki ta’tilga mas’uliyatli ravishda kuzatish hamda ta’til davrida universitet infratuzilmasini saqlash maqsadida amalga oshirildi.
