Jizzax davlat pedagogika universiteti Fizika va texnologik ta’lim fakulteti pedagog xodimlari ishtirokida yig‘ilish o‘tkazildi. Unda O‘zbekiston Respublikasining “Korrupsiyaga qarshi kurashish to‘g‘risida”gi Qonunining mazmun-mohiyati, xususan davlat organlari xodimlarining korrupsiyaga oid huquqbuzarliklar haqida xabar berish majburiyati hamda axborot beruvchi shaxslarni himoya qilish tartibi tushuntirildi.

Shuningdek, Oliy ta’lim, fan va innovatsiyalar vazirining 2025-yil 14-oktyabrdagi 404-sonli buyrug‘iga muvofiq korrupsiyaga qarshi kurashish siyosati, xizmat vazifalarini bajarish jarayonida jismoniy va yuridik shaxslardan sovg‘a va moddiy rag‘bat vositalarini qabul qilish taqiqlanishi, kadrlar bilan bog‘liq jarayonlarda shaffoflikni ta’minlash masalalariga alohida e’tibor qaratildi.