O‘zbekiston Respublikasi oliy ta’lim muassasalarida tahsil olayotgan xorijlik talaba-yoshlar o‘rtasida “O‘zbek tili – qalbim tarjimoni” respublika ko‘rik-tanlovi o‘tkaziladi.

 Tanlovning maqsadi:

• Xorijiy talabalar o‘rtasida o‘zbek tiliga qiziqishni oshirish;

• Davlat tilining xalqaro miqyosdagi nufuzini yanada yuksaltirish;

• Talabalar o‘rtasida do‘stlik, hamjihatlik va madaniy aloqalarni mustahkamlash.

Tanlov bosqichlari:

1. Oliy ta’lim muassasalari bosqichi – barcha xorijiy talabalar o‘z universitetida ishtirok etadi.

2. Saralash bosqichi – eng sara nomzodlar keyingi bosqichga yo‘naltiriladi.

3. Respublika final bosqichi – yurtimiz bo‘ylab eng iqtidorli xorijiy talabalar ishtirokida o‘tkaziladi.

Ko‘rik-tanlovning oliy ta’lim tashkiloti va saralash bosqichlari g‘oliblari quyidagi shartlar bo‘yicha aniqlanadi:

1- shart: Tanishtirish – umumiy 100 ball;

2- shart: Esse yozish – umumiy 100 ball.

Ko‘rik-tanlovning respublika bosqichi g‘oliblari quyidagi shartlar bo‘yicha aniqlanadi:

1- shart: Tanishtirish – umumiy 100 ball;

2- shart: Esse yozish – umumiy 100 ball;

3- shart: Erkin mavzuda badiiy chiqish – umumiy 100 ball.

 G‘oliblar uchun mukofotlar:

• Diplom va faxriy yorliqlar;

• Qimmatbaho esdalik sovg‘alar;

Ishtirokchilar uchun talablar:

• Tanlovda faqat ona tili o‘zbek tili bo‘lmagan xorijiy talabalar qatnashishi mumkin;

• Nizom talablari asosida tayyorgarlik ko‘rish shart.

Muddatlar:

• Universitet bosqichi: 2025-yil 3-oktyabrdan 8-oktyabrga qadar

Batafsil ma’lumot va ro‘yxatdan o‘tish uchun universitet Xalqaro bo‘limi yoki Yoshlar masalalari, ma’naviyat va ma’rifat bo‘limiga murojaat qilishingiz mumkin.