Oliy va o‘rta maxsus ta’lim vazirligining 2018 yil 28 sentyabrdagi 87-03-3424-sonli xati asosida Abdulla Qodiriy nomidagi Jizzax davlat pedagogika instituti 2019 yil uchun quyidagi ixtisosliklar bo‘yicha tayanch doktorantura (PhD) institutiga va mustaqil izlanuvchilikka qabul e’lon qiladi:
-02.00.02 – Analitik kimyo;
-03.00.05- Botanika;
-09.00.04- Ijtimoiy falsafa.
Tayanch doktorantura (PhD) institutida o‘qish istagida bo‘lganlar
qabul komissiyasiga quyidagi hujjatlarni taqdim etadilar:
- institut rektori nomiga ariza;
- qisqacha biografik ma’lumotnoma;
- mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
- oliy ta’lim muassasasi magistraturasi diplomi yoki klinik ordinaturani tugatganlik (tibbiyot fanlari uchun), oliy ma’lumot (mutaxassislik dasturlari bo‘yicha) to‘g‘risidagi diplom nusxasi;
- nashr etilgan ilmiy ishlar ro‘yxati, shuningdek ularning nusxalari: falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yo‘nalishlar bo‘yicha ikkitadan kam bo‘lmagan ilmiy ishlar to‘plamlariga kiritilgan ma’ruza tezislari;
- O‘zbekiston Respublikasi Prezidenti davlat stipendiyasi sohiblari tegishli xujjat nusxasini taqdim etadilar;
- Tayanch doktoranturada o‘qish uchun talabgorlar mutaxassislik va chet tili (ta’limning oldingi darajalarida o‘rganilgan xorijiy til) bo‘yicha kirish imtihonlari topshiradilar. Talabgorlarda IELTS (o‘rtacha ball kamida 5,5), TOEFL (PBT) (567 balldan kam bo‘lmagan), TOEFL (iBT) (87 balldan kam bo‘lmagan), CEFR (V2 darajadan past bo‘lmagan) bo‘yicha tasdiqlovchi amaldagi xalqaro malaka sertifikatlari mavjud bo‘lganda chet tilidan topshiriladigan imtihonlardan ozod etiladi;
Mustaqil izlanuvchilikka o‘qish istagida bo‘lganlar
qabul komissiyasiga quyidagi hujjatlarni taqdim etadilar:
- institut rektori nomiga ariza;
- qisqacha biografik ma’lumotnoma;
- falsafa doktori (PhD) ilmiy darajasini olish uchun mustaqil izlanuvchi sifatida rasmiylashtirish uchun magistrlik yoki klinik ordinatura(tibbiyot fanlari uchun), oliy ma’lumot (mutaxassislik dasturlari bo‘yicha) to‘g‘risidagi diplom nusxasi;
- mehnat daftarchasining belgilangan tartibda tasdiqlangan nusxasi;
- ilmiy ishlar ro‘yxati, shuningdek ularning nusxasi;
- ish joyidan tavsifnoma;
Hujjatlar 15 sentyabrdan 15 oktyabrgacha qabul qilinadi.
Murojaat uchun manzil: Jizzax shahri, Sh.Rashidov ko‘chasi, Jizzax Davlat pedagogika instituti bosh binosi, 2-qavat, ilmiy bo‘lim. tel.226-25-51
