Bugun Jizzax davlat pedagogika universitetining faollar zalida 2024/2025 o‘quv yili bitiruvchilari va bitiruvchi bosqich talabalari ishtirokida Jizzax viloyati Milliy bank AJ mas’ullari bilan uchrashuv tashkil etildi.

Uchrashuv Prezidentimizning 2025-yil 14-fevraldagi PQ–61-sonli “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida”gi qarori ijrosini ta’minlash maqsadida o‘tkazildi.

Tadbirda ta’kidlanishicha, bugungi kunga kelib universitetning 116 nafar bitiruvchisi va bitiruvchi bosqich talabalari tomonidan jami 2 mlrd 117 mln 100 ming so‘m miqdorda imtiyozli kreditlar olingan. Ushbu kreditlar orqali yoshlar o‘zlarining tadbirkorlik faoliyatlarini yo‘lga qo‘yishgan.

Uchrashuvda ishtirok etgan talabalar va bitiruvchilar bank xodimlariga o‘z biznes loyihalarini taqdim etishdi, shuningdek, zarur axborot va amaliy maslahatlarga ega bo‘lishdi.

Mazkur uchrashuv yoshlar bandligini ta’minlash, ularning startap g‘oyalarini qo‘llab-quvvatlash va iqtisodiy faolligini oshirishga xizmat qiladi.