Tashkil topishi

Jizzax davlat pedagogika universitetida kimyo yo‘nalishiga 1988-yilda asos solingan bo‘lib, dastlab Tabiatshunoslik fakulteti tarkibidagi Umumiy kimyo kafedrasi sifatida faoliyat boshlagan. Ilk mudiri — kimyo fanlari nomzodi, dotsent Marat Sultonov bo‘lgan. Keyingi yillarda kafedra faoliyati kengayib, bakalavriat, magistratura, tayanch doktorantura va doktorantura bosqichlarida mutaxassis tayyorlash tizimi shakllangan.
 

Rivojlanish bosqichlari

1999-2000 o‘quv yilida fakultet tarkibida kimyo-biologiya ta’lim yo‘nalishi sifatida faoliyat ko‘rsatdi. 2001-yildan boshlab yo‘nalish kimyo va biologiya bo‘linmalariga ajratildi, 2006-yilda esa kimyo-ekologiya yo‘nalishi ochildi. 2013-yildan to hozirgi kunga qadar kimyo o‘qitish metodikasi yo‘nalishi nomi bilan faoliyat yuritmoqda. Kafedra rahbarlari orasida Shavkat Sharipov, Ergash Shomurodov, Barot Abdurahmonov, G‘olib Daminov, Marat Sultonov va Kamila Rashidova kabi tajribali olimlar bo‘lgan.
 

Bugungi faoliyati

Hozirgi kunda kafedrada 30 dan ortiq professor-o‘qituvchi ishlaydi, ular orasida fan doktorlari, professorlar va fan nomzodlari mavjud. Kafedra ilmiy izlanishlarini “Zamonaviy pedagogik texnologiyalar asosida o‘qitish usullari va kimyo bo‘yicha malakali pedagog kadrlar tayyorlash” mavzusida olib boradi. Respublika va xorijiy oliy ta’lim muassasalari bilan ilmiy-uslubiy hamkorlik yo‘lga qo‘yilgan. Talabalar o‘qishni bitirgach, maktab, litsey, kollej hamda oliy ta’lim tizimida faoliyat yuritmoqda.