Жорий йилнинг 26 май куни Жиззах вилоят хокимлиги, Жиззах вилоят матбуот ва ахборот бошқармаси, Ўзбекистон ёзувчилар ижодий уюшмаси вилоят бўлими ҳамда Жиззах давлат педагогика институти ахборот- ресурс маркази ҳамкорлигида “Ёшлар шаҳарчаси”да “ Китоб байрами” бўлиб ўтди.
Байрамни вилоят хокимининг биринчи ўринбосари З.Нарзуллаев кириш сўзи билан очиб берди.
“Ёшлар шаҳарчаси”да ташкил этилган “Китоб байрами”да Жиззах давлат педагогика институти ахборот- ресурс маркази жамоаси янги авлод адабиётлари кўргазмаси билан иштирок этди. “Янги адабиётлар сизлар учун!”, “ Институт профессор –ўқитувчиларининг илмий- ижодий ишлари”, “ Президент асарлари”, “ Чет тилларини ўрганамиз”, “ Электрон дарсликлар”, “ Менинг севимли ўнта китобим” мавзуларидаги адабиётлар кўргазмалари шулар жумласидандир.
Шунингдек, Жиззах вилоят кўзи ожизлар махсус ахборот-ресурс маркази билан ҳамкорлик шартномаси асосида ташкил этилган кўчма кутубхона ҳам ўзининг “Брайль алифбоси”даги турли мазмундаги адабиётлари билан байрам тадбирида қатнашди.
Кўргазмага қўйилган адабиётлар “Китоб байрами” иштирокчиларига АРМ ходимлари томонидан қисқача шарҳлаб берилди. Байрам иштирокчилари ўзларини қизиқтирган саволларга жавоб олдилар.
Республика “Китоб байрами”да институт ахборот- ресурс марказининг иштирокини акс эттирувчи лавҳалар суратга олинди. “Китоб байрами” да фаол қатнашган жамоалар вилоят ҳокимлиги томонидан фахрий ёрлиқлар билан тақдирланди. “Китоб байрами”га қўйилган адабиётлар 860 дона бўлиб, адабиётлар билан танишганлар 975 нафарни ташкил этди.
