Jizzax davlat pedagogika instituti akademik litseyida shu yil 7-sentabrdan 12-sentabrgacha davom etadigan sinov imtixonlari boshlandi.
Ularda jami 2228 nafar o’g’il-qizlar ishtirok etadi. Bular ushbu litseyda to‘rt yo‘nalishda: aniq va tabiiy fanlar, xorijiy filologiya, ijtimoiy-gumanitar fanlar bo‘yicha o‘qishni istagan viloyatimizning 9-sinf bitiruvchilardir. O‘qishga topshirgan yigit qizlarning maqsadi keyinchalik mahalliy, respublika va chet el universitetlarining yuqoridagi yo‘nalishlar bo‘yicha talabalari bo‘lishdir. Akademik litsey rahbariyati karantin choralari talablaridan kelib chiqib, kirish imtihonlarini o‘tkazish uchun barcha zarur choralarni ko‘rgan. Imtihonga kirish paytida abiturientlar haroratini o‘lchanadi, qo‘lqoplar, himoya niqobi va antiseptiklar beriladi.
«Sinovlar akademik litsey hududidagi ikkita ochiq maydonda ijtimoiy distansiya normalariga rioya qilingan holda o‘tkaziladi», deydi akademik litsey direktori Firuza SOLIEVA. – Bundan tashqari, videokuzatuv kameralari ham mavjud. Imtihonlarning borishini Jizzax davlat pedagogika instituti hamda, litsey o‘qituvchilari, shuningdek, ota-onalar orasidan 8 nafar kuzatuvchi – har bir sektor uchun 4 kishi kuzatib boradi. Abiturientlarga yuqoridagi yo‘nalishlar bo’yicha 45 ta savol bo‘yicha uchta test bloki taklif etiladi, ularning yechish uchun esa ikki soat vaqt beriladi. Test topishirishga kelgan maktab bitiruvchilari test natijalarini ertasi kuni JSPIning maxsus jdpu.uz veb-saytida, shuningdek, litseyga kirish joyidagi maxsus e’lonlar taxtasida joylashtirilgan ro’yxatlardan bilib olishlari mumkin.
Shuni ta’kidlashni istardimki, ushbu akademik litseydao‘’qishni istagan yoshlar soni yil sayin ortib bormoqda. Ushbu ta’lim muassasasida yuqori malakali o‘qituvchilar ishlaydi, ular o‘z bilim va ko‘nikmalarini yoshlarga berishmoqda. Birgina 2019-2020 o‘quv yilida akademik litseyning 9 nafar talabasi turli fanlardan beshta xalqaro va to‘rtta respublika olimpiadalarining g‘olib va sovrindorlari bo‘lishdi. Bu esa tahsinga sazovor.
Akademik litseyning boshqa ta’lim muassasalaridan farqi shundaki, har yili uning bitiruvchilari (o‘rtacha 80% -90%) respublika universitetlariga va dunyoning boshqa nufuzli oliyo‘’quv yurtlariga o‘qishga kiradilar.
Natalya BESEDINA.( «Джизакская правда» газетаси мухбири)
