Xabaringiz bor Jizzax davlat pedagogika institutining Magistratura bo‘limi o‘tgan hafta davomida  sportning  mini futbol, voleybol  va stol tenisi  turlari bo‘yicha “Dekan kubogi” musobaqalarini o‘tkazgan edi. Mini futbol sport turi bo‘yicha 23 ta jamoalar o‘zaro bellashishgan bo‘lsa, voleybol turi bo‘yicha  o‘g‘il bollar va qizlar jamoalaridan iborat guruhlar o‘rtasida  musobaqlar  tashkil etildi. Qizg‘in va murosasiz o‘tkazilgan bellashuvlar ham o‘z yakuniga yetdi. Sportning voleybol va stol tennisi bo‘yicha Qizlar o‘rtasida o‘tkazilgan musobaqalarda 10 dan oshiq jamoalar g‘oliblik uchun kurashdi. Musobaqa natijalariga ko‘ra faxrli 3- o‘rinni Xorijiy tillar fakulteti ( ingliz tili) yo‘nalishi jamoasi qizlari egallagan bo‘lsa, 2-o‘rin Maxsus pedagogika logopediya (Defiktalogiya) yo‘nalishi jamoasi qizlariga nasib etdi. G‘oliblikni esa Jismoniy tarbiya fakulteti 1- kurs qizlar jamoasi qo‘lga kiritdi. Bugun institutning ochiq sport maydonida ana shu musobqalarda g‘oliblikni qo‘lga kiritgan jamoalar, faol ishtirokchilarning taqdirlash marosimi o‘tkazildi. Taqdirlash marosimida g‘oliblarga tashakkurnomalar va pul mukofotlari topshirildi.Taqdirlash marosimi so‘ngida musiqiy yo‘nalish magistrlarning badiiiy konsert dasturi namoyish etildi. Bir so‘z bilan aytganda tadbir haqiqy bayramga aylanib ketdi.