Bugun universitet Professorlar bog‘i adrasu-atlaslarga burkanib, haqiqiy bayramona muhitga aylandi.

Sumalak sayli boshlanib, talabalar, professor-o‘qituvchilar va xodimlar birgalikda milliy qadriyatlarimizning marvaridi — Navro‘z ayyomini ko‘tarinki kayfiyatda nishonlashmoqda. Milliy taomlar, qo‘shiq va raqslar, samimiy suhbatlar bayramga yanada fayz bag‘ishladi.

Ana shunday ko‘tarinki ruhda o‘tayotgan sayilga universitet rahbariyati ham tashrif buyurdi. Universitet rektori boshchiligidagi rahbariyat vakillari har bir ko‘rgazmali chiqishlar bilan yaqindan tanishib, sumalak kovlash marosimida ishtirok etishdi va ezgu niyatlar qilishdi.

Kuy-qo‘shiqlar sadosi atrofni to‘ldirib, universitet hududida haqiqiy bayramona muhitni yaratdi. “Har kunimiz Navro‘z bo‘lsin” degan ezgu tilaklar ostida talabalar va professor-o‘qituvchilar bayram taronalariga hamnafas bo‘lib, raqs va quvonchga oshno bo‘lishmoqda.