Har doimgidek kengash yig‘ilishi taqdirlash marosimi bilan boshlandi.Universitet rektori Yuldashev Maksudjan Abdullayevich Rahmatova Feruza Abulqosimovnaga ilmiy unvon attestatini tantanali ravishda topshirib, uni ushbu yuksak ilmiy natija bilan samimiy tabrikladi.

Mazkur e’tirof pedagog-xodimning ilmiy faoliyatini yanada rivojlantirish va ta’lim sifatini oshirishga xizmat qilishi ta’kidlandi.

Shundan so‘ng kengash yig‘ilishi kun tartibidagi masalalar muhokamasiga o‘tildi. Unda universitet talaba-yoshlarining bo‘sh vaqtini mazmunli tashkil etish tizimini takomillashtirish chora-tadbirlari ko‘rib chiqildi.

Shuningdek, 2025-yilda fakultet va kafedralarda davlat grantlari, xorijiy grantlar hamda xo‘jalik shartnomalari asosida amalga oshirilayotgan ilmiy-tadqiqot ishlari natijalari, ularni tijoratlashtirish jarayoni va istiqboldagi vazifalar yuzasidan hisobot tinglandi.

Yig‘ilishda universitetda HEMIS axborot tizimi bilan ishlash samaradorligini oshirish hamda akademik mobillik doirasida olib borilayotgan ishlar tahlili ham muhokama etildi. Kun tartibidagi masalalar yuzasidan tegishli qarorlar qabul qilinib, ijrosini ta’minlash bo‘yicha mas’ullarga aniq vazifalar belgilandi.