Korrupsiya jamiyat taraqqiyotiga jiddiy to‘siq bo‘ladigan, adolat va qonun ustuvorligini izdan chiqaradigan xavfli illat hisoblanadi. Xususan, pora olish jinoyati davlat boshqaruvi tizimiga putur yetkazib, fuqarolarning ishonchini susaytiradi. Shu sababli qonunchiligimizda bu qilmish uchun qat’iy javobgarlik belgilangan.
Pora olish — mansabdor shaxsning o‘z xizmat mavqeidan foydalangan holda sodir etishi lozim yoki mumkin bo‘lgan muayyan harakatni pora berayotgan shaxs manfaatlarida bajarishi yoki bajarmasligi evaziga, shaxsan o‘zi yoki vositachi orqali, moddiy qimmatliklar olishi yoki mulkiy manfaatdor bo‘lishidir.
Qonun oldida hamma teng. Mansab, lavozim yoki obro‘ javobgarlikdan ozod qilmaydi. Har bir davlat xizmatchisi halollik, vijdon va mas’uliyat bilan faoliyat yuritishi shart.Korrupsiyaga qarshi kurash — bu faqat davlat organlarining emas, balki butun jamiyatning umumiy vazifasidir.
