“Oliy ta’lim muassasalarida ta’lim sifatini ta’minlashda professor-o‘qituvchilarning o‘rni” mavzusida seminar o‘tkazildi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Oliy ta’lim muassasalarida ta’lim sifatini ta’minlashda professor-o‘qituvchilarning o‘rni” mavzusida seminar o‘tkazildi.

Yangiliklar

27/12/2025

Chop etish

“Oliy ta’lim muassasalarida ta’lim sifatini ta’minlashda professor-o‘qituvchilarning o‘rni” mavzusida seminar o‘tkazildi.

Jizzax davlat pedagogika universitetida har shanba kuni uzluksiz kasbiy rivojlanish kunlari doirasida o‘quv-amaliy seminarlar tashkil etilmoqda. Ushbu seminarlar doimiy ravishda ekspertlar, ilm-fan vakillari va professor-o‘qituvchilarni jalb qilgan holda turli mavzularda o‘quv mashg‘ulotlarini o‘tkazish imkonini beradi.

Ushbu safargi seminar “Oliy ta’lim muassasalarida ta’lim sifatini ta’minlashda professor-o‘qituvchilarning o‘rni” mavzusida bo‘lib o‘tdi. Tadbirga O‘zbekiston Respublikasi Prezidenti huzuridagi Davlat siyosati va boshqaruvi akademiyasi dekani, dotsent Xolov Aktam Xotamovich mehmon sifatida taklif qilindi.

Seminar davomida davlat rahbarining yaqinda Oliy Majlisga yo‘llagan murojaati tahlil qilindi, uning mazmuni ochiq suhbat va mulohazalar shaklida muhokama qilindi. Tadbir ishtirokchilari mavzu yuzasidan o‘z savollarini berdi va ekspert tomonidan har biriga batafsil javoblar berildi.

Shuningdek, seminar davomida sun’iy intellekt va boshqa zamonaviy texnologiyalar ta’lim jarayonida qo‘llanishi, professor-o‘qituvchilarning rolini kuchaytirish va ta’lim sifatini oshirish bo‘yicha amaliy tavsiyalar muhokama qilindi.

Seminar o‘quvchilar va professor-o‘qituvchilar uchun qiziqarli va foydali tarzda o‘tib, ta’lim sifatini oshirish va ilg‘or metodlarni tatbiq etish bo‘yicha yangi istiqbollarni ochdi.

Boshqa rubrikalarda mashhur

Barcha Rubrikalar

“Men kelajagimga befarq emasman” psixologik aksiyasi o‘tkazildi.

Yoshlar bilan ishlash, ma’naviyat va ma’rifat bo‘limi tashabbusi bilan Narkoprofilaktika oyligi doirasida “Men kelajagimga befarq emasman” nomli psixologik aksiya tashkil etildi.

“Kitobxon talaba – 4”: nufuzli asarlar bilimdonlarni saraladi.

Universitetda “Kitobxon talaba” tanlovining 4-mavsumi Yoshlar yetakchilari boshchiligida yuqori saviyada tashkil etildi. Tanlov bu gal adabiyot ixlosmandlari uchun dolzarb va mazmunan chuqur bo‘lgan asarlar asosida...

“Bitiruvchi – 2026”: Ish beruvchilar bilan ochiq muloqot va ishga taqsimot.

Jizzax davlat pedagogika universiteti Filologiya fakultetida “Bitiruvchi – 2026” mavzusida ish beruvchilar bilan uchrashuv hamda yakuniy ishga taqsimot tadbiri tashkil etildi.