Bugun JDPU da kasbiy( ijodiy) imtihonlarning 5 kuni.
Ta’kidlash joiz shu kungacha universitetda kasbiy (ijodiy) imtihonlarni adolatli va shaffof o‘tkazish uchun quyidagi omillar asosida barcha zarur choralar ko‘rildi. Kasbiy (ijodiy) imtihon jarayonlari to‘g‘ridan-to‘g‘ri institutning jdpu.uz saytida onlayn tarzda namoyish etildi va bu translatsiyalarda bir soniya ham uzilishlar bo‘lmadi. Abiturientlarning ota-onalari va yaqinlari jarayonni onlayn kuzatib borishmoqda. Talabalikka tavsiya etilayotgan abiturientlarning bajargan ishlarini baholash uchun oliygohda faoliyat yuritmaydigan taniqli ijodkor rassomlar, musiqa va san’at ustalari, taklif etildi. Qabul jarayoni davomida shaffoflik hamda jamoatchilik nazoratini ta’minlash maqsadida universitet jamoatchilik Kengashi tarkibiga yoshlar vakillari, mahalla fuqarolari yig‘ini raislari, el ardog‘ida bo‘lgan san’at ustalari kiritildi. Ular ham tegishli tartibda imtihon o‘tkazilayotgan joylarga tashrif buyurib, jarayonlarni bevosita kuzatib borishmoqda. Shu bilan bir qatorda jarayonlar bevosita oliygohning barcha rasmiy sahifalarida yoritib borilmoqda.
-Kasbiy (ijodiy) imtihon komissiyasi xulosasidan norozi bo‘lgan abiturientlarga imtihon natijalari e’lon qilingan vaqtdan boshlab 24 soat ichida uniersitetning apellyatsiya komissiyasiga ariza bilan murojaat qilish imkoniyati berilgan. Shu kunga qadar apellyatsiya komissiyasiga kelib tushgan arizalar soni 18 tani tashkil qildi va ular komissiyasi tomonidan tegishli tartibda ko‘rib chiqildi. Bugun ham musiqa ta’limi yo‘nalishi bo‘yicha o‘z ballaridan norozi bo‘lgan 3 nafar abiturientning murojatini mutaxassislar yordamida ko‘rib chiqayapmiz. Appelyatsiya jarayonida murojaatchilarning o‘zlari ishtirok etgan imtihon jarayonlarida videokameralar yordamida yozib olingan jarayonlarni birgalikda kuzatdik. Appelyatsiya komissiya a’zolari soha mutaxissilari, murojaatchi abiturientga musiqa nazariyasi, xonanadalik mahorati va cholg‘u ijrochiligi bo‘yicha yo‘l qo‘ygan xato va kamchiliklarini ko‘rsatib qo‘yilgan ballarning haqqoniy ekanligini, e’tirozga asos yo‘qligini ta’kidlashdi, Ijodiy imtixonlar oshkora, videokuzatuv va translyatsiya kilib borish yuli bilan shaffoflik taminlandi. Uylaymanki, munosiblar albatta talabalar safidan joy oladi, – deydi universitet appelyatsiya komissiyasi raisi G‘ayrat Qodirov
– Men musiqa ta’lim kasbiy (ijodiy) imtihonlarda ishtirok etdim. Imtihonlar boshlanishidan avval ijtimoiy tarmoqlarda imtihon kuni, joyi, vaqti va tartibi haqida barcha ma’lumotlarni bilib olgan edim, – deydi Munisa Isomidinova. Navoiy viloyatidan kelganman. Birinchi yil hujjat topshirishim. Cholg‘u ijrochiligidan olgan natijalarimdan norozi bo‘lib appelyatsiya komissiyasiga shikoyat ariza bilan murojaat qilgan edim. Applyatsiya komissiyasidagi mutaxissislar bilan birgalikda jarayonlarda yozib olingan videolavhalar orqali o‘zimni ijroimni chetdan turib kuzatdim. Kuchli hayajondanmi, stressdanmi ijroimda kamchiliklar borligini sezmagan ekanman. Mutaxassislar xato va kamchiliklarimni ko‘rsatib berishdi. Menga qo‘yilgan ballar haqqoniyligiga ishondim.
-Men Zomin tumanidan keldim. Men ham ilk marotaba hujjat topshirayapman. 96 ball to‘pladim. To‘plagan ballarimdan norozi bo‘ldim. Appelyatsiya komissiyasidagi mutxassilar videokuzatuvlar orqali ijroimni o‘zim ishtirokimda ko‘rishdi. Kerakli joyda ballarimni ko‘tarishdi. O‘z navbatida xato va kamchiliklarimni ham ko‘rsatib berishdi. Rostini aytsam ariza shikoyat yozganimda ko‘pchilik tengdoshlarim “baribir hech narsa o‘zgarmaydi nima qilasan boshingni qotirib” deyishgandi. O‘zim ham ikkilandim. Mutaxassislar har bitta e’tirozimizni erinmasdan ko‘rib muhokama qilib, yutuq va kamchiliklarimizni xolisona ko‘rsatib berishdi. Minnatdorman. Test sinovlarida ko‘proq ball to‘plashga harakat qilaman. Niyatim talaba bo‘lish,-deydi Salohiddin Samadov.
Bugun oliy ma’lumotli bo‘lishni istagan yoshlar soni yildan-yilga ortib bormoqda. Talaba bo‘lish baxti esa zukko va bilimdon yoshlarga nasib etadi. So‘zimiz yakunida Abiturientlarga omad yor bo‘lishini tilab qolamiz. Bizni kuzatishda davom eting.
Jizzax davlat pedagogika universiteti axborot xizmati .
