Jizzax davlat pedagogika institutida bo‘lib o‘tgan tadbir ana shunday nomlandi.
Bugun Jizzax davlat pedagogika institut “Madaniyat saroyida” 8 mart “Xalqaro xotin-qizlar bayrami” munosabati bilan bayram tadbiri tashkil etildi. Dastlab Madaniyat saroyi hovlisida rasmlar , kitoblar, yumshoq o‘yinchoqlar ko‘rgazmasi tashkil etilib, unda Sa’natshunoslik hamda Boshlang‘ich ta’lim fakulteti talabalari, shuningdek shaxrimizdagit turli sa’nat maktabi iqtidorli o‘quvchilarining ijodiy ishlari namoyish etildi.
Tantanali tadbirni Jizzax davlat pedagogika instituti rektori Sh.S. Sharipov oliygohda mehnat qilayotgan xotin-qizlarni bahor va nafosat bayrami bo‘lmish 8 mart – “Xalqaro xotin-qizlar bayrami” bilan tabriklash bilan boshlab berdi. U, o‘z so‘zida olamning gultoji bo‘lgan ayollarning jamiyatda tutgan o‘rni muhim ekanini alohida ta’kidlab, ayniqsa, mamlakatimizda ayollarni e’zozlash, ularga hurmat-ehtirom ko‘rsatish ma’naviy qadriyatlarning ajralmas qismiga aylanganini e’tirof etdi.Bugun Jizzax davlat pedagogika institutida 187 nafar ayol o‘qituvchilar faoliyat yuritishadi. Go‘zallik va nafosat malikalari bo‘lmish xotin qizlar uchun tashkillashtirilgan tantanali bayram tadbirida tizimda ko‘p yillardan beri mehnat qilayotgan, jamoada o‘z o‘rniga ega , faol, tajribali va namunali 50 nafar ayollarga faxriy yorliqlar va esdalik sovg‘alari topshirildi.
Tantanali tadbirni Jizzax davlat pedagogika instituti qoshida tashkil etilgan badiiy dasta ijrosidagi konsert dasturi davom ettirdi.
Fursatdan foydalanib, Jizzax davlat pedagogika instituti rahbariyati tizimda ko‘p yillardan beri faoliyat yuritayotgan jonkuyar, fidoyi, lobar, munis va mo‘tabar ayollarni ayyom bilan muborakbod etadi! Ularga uzoq umr, sihat-salomatlik, oilaviy baxt va mehnat faoliyatlariga muvaffaqiyat tilaydi! Bayramingiz muborak bo‘lsin, aziz va muxtarama Ayollar!
Jizzax davlat pedagogika instituti axborot xizmati
