Joriy yilning 15 noyabr kuni 13.00 da Jizzax davlat pedagogika instituti axborot- resurs markazining majlislar zalida O‘zbek tili va adabiyoti fakulteti hamkorligida «INFOLIB UZBEKISTAN» Milliy axborot-kutubxona haftaligi doirasida “Mening sevimli o‘nta kitobim” tanloviga qo‘yilgan A.Navoiyning “Layli va Majnun” asari yuzasidan tadbir tashkil etildi.
Tadbirni institut axborot –resurs markazi kutubxonachisi
M Bobonazarova ochib berdi va “ Mening sevimli o‘nta kitobim” madaniy- ma’rifiy tanlovining Nizomi hamda tanlov shartlari bilan tanishtirdi.
Shundan so‘ng, tadbirni O‘zbek tili va adabiyoti fakulteti o‘qituvchisi Z Mamadalieva davom ettirib: “Navoiy buyuk shoir va mutafakkir zot . Bu haqiqat quyoshday barchaga ayon. Quyoshning ta’rifini takrorlayverish esa shart emas. Ammo ana shu buyuklik qudrati har bir asarda namoyon bo‘lishini tahlil qilib ko‘rsatish, ma’nolar jilosini anglash va undan huzurlanish, albatta foydalidir.”-deya ta’kidladi.
Shundan so‘ng, ARM kutubxonachisi D. Fayzullaeva “ Mening sevimli o‘nta kitobim” madaniy- ma’rifiy tanloviga qo‘yilgan badiiy adabiyotlarga qisqacha sharh berdi.
Tadbirda 65 ta ishtirokchilar qatnashdilar.
