Jizzax davlat pedagogika universiteti Magistratura bo‘limida “Korrupsiyaga qarshi kurashishda barchamiz birdek mas’ulmiz!” mavzusida tadbir tashkil etildi.Tadbirda birinchi kurs magistrlari ishtirok etishdi.
Korrupsiya har qanday davlat va jamiyatning siyosiy-iqtisodiy rivojlanishiga jiddiy putur yetkazadi, davlatning konstitutsiyaviy asoslarini va qonun ustuvorligini zaiflashtiradi, pirovardida inson huquq va erkinliklarining poymol bo‘lishiga olib keladi.Tadbirda jamiyatda korrupsiyaga nisbatan murosasiz munosabatni shakllantirish, korrupsiya va unga imkon berayotgan omillarni vaqtida aniqlash va unga o‘z vaqtida chek qo‘yish davlat va jamiyat hayotining barcha sohalaridagi dolzarb vazifa ekanligi, korrupsiyaga qarshi kurashishda eng avvalo har bir pedagogda, xodimda halollik immunitetini oshirib va bu bilan korrupsiyaning har qanday ko‘rinishiga murosasiz kurashish lozimligi, Davlatimiz rahbariyati tomonidan yaratib berilayotgan shart-sharoitlarga mana shu oliygohda tahsil olayotgan har bir talaba yosh o‘zining bilimi, a’lo o‘qishi bilan javob qaytarishi lozimligi ta’kidlandi.
Universitetning “Korrupsiyaga qarshi kurashish va kompleans nazorat” bo‘limi boshlig‘i A.Umrzoqov korrupsion xolatlarni oldini olish, manfaatlar to‘qnashuviga olib keluvchi turli vaziyatlar va shu kabi muammoli holatlarni bartaraf etishda har bir talaba, magistrantlar vijdonan yondashishi kerakligini aytib o‘tdi. Tadbir ochiq muloqot va savol-javob tariqasida bo‘lib o‘tdi.
