Oliy ta’lim, fan va innovatsiyalar vazirining buyrug‘iga muvofiq, Djelyalov Marlen Zoidovich Jizzax shahridagi “Qozon (Volgabo‘yi) federal universiteti” federal davlat avtonom oliy ta’lim muassasasi filialining Yoshlar masalalari va ma’naviy-ma’rifiy ishlar bo‘yicha ijrochi direktorning birinchi o‘rinbosari vazifasini bajaruvchisi sifatida tayinlandi.
Jizzax davlat pedagogika universitetida o‘tkazilgan kengash yig‘ilishi Marlen Zoidovichning kuzatuv marosimi bilan boshlandi. Universitet rektori Yuldashev Maksudjan Abdullayevich Marlen Zoidovichga yangi vazifasida muvaffaqiyat va faoliyatda omad tiladi.
O‘z navbatida, Marlen Zoidovich kengash a’zolari va universitet jamoasiga samimiy minnatdorchilik bildirib, hurmat va ishonch uchun rahmat aytdi.
Jizzax davlat pedagogika universiteti jamoasi Marlen Zoidovichga yangi vazifasida muvaffaqiyatlar va yuksak natijalar tilaydi.
