Hamkorligimiz doimiy bo‘lsin…

Xabaringiz bor kuni kecha  Jizzax davlat Pedagogika institutida Zulfiya tavalludining 106 yilligi munosabati bilan   “Zulfiya ijodi va adabiy badiiy merosining halqaro ahamiyati” mavzusidagi xalqaro ilmiy-amaliy konferensiya bo‘lib o‘tgan edi. Zulfiya hamda H.Olimjon maktab internati tashabbusi bilan tashkillashtirilgan  Konferensiyada ishtirok etish uchun  jami 150 ga yaqin ilmiy ishlar nafaqat yurtimiz, balki boshqa davlatlardan ham jo‘natildi. Jizzax davlat pedagogika institutidan ham 8 nafar professor –o‘qitvchilar ham bu xayrli ishdan chetda qolgani yo‘q. Konferensiyani muvaffaqiyatli o‘tishida ko‘makchi bo‘lgan, ilmiy maqollari bilan ishtirok etgan bir necha professor-o‘qituvchilarni taqdirlash va ularga sertifikatlarni taqdim etish maqsadida Zulfiya hamda H.Olimjon nomidagi maktab interenat vakillari Jizzax davlat pedagogika institutida bo‘lishdi. “Hamkorligimiz doimiy bo‘lishini istayman,-deydi Jizzax davlat pedagogika instituti rektori Sh.Sharipov, biz raqobatchi emasmiz, aksincha  sizning maktab internatingiz va bizning oliygohimiz bir-birini to‘ldirib turadigan maslagi ham, maqsadi ham ezgu ta’lim muassalaridir. Jizzax davlat pedagogika instituti biz bilan hamkorlik qilish istagida bo‘lgan barcha tashkilot va idoralar uchun hamisha ochiq.Xuddi shunday siz ijod maktabi uchun ham.Keling birgalashib  ijodkor yoshlarni birlashtiraylik, hamkorligimiz faqat tadbir o‘tkazish bilan cheklanib qolmasin, doimiy bo‘lsin va amalda o‘z mevalarini ko‘rsatsin ”     Qisqa, ammo hahayajonli uchrashuvni maktab internati jamoasi taqdirlash qismi bilan davom ettirishdi. Dastlab oliygoh rektori prof Sh.Sharipovga ijodiy hamkorlik uchun jamoa rahbarining tashakkurnomasi va esdalik sovg‘alari topshirildi. Shundan so‘ng ilmiy konferensiyada  maqolalari to‘plamga kiritilgan  dos. A. Musaev hamda S. Mamayusupovalarga sertifakatlar va esdalik sovg‘alari topshirildi.