Hamid Olimjon nomi tilga olinishi bilan ko‘z o‘ngimizda qisqa va go‘zal bir muxabbat tarixi qaxramonlari adib va shoira Zulfiyaxonim o‘rtasidagi tillarda doston bo‘lgan muxabbat qissasi gavdalandi. Vafo, sadoqat kabi ezgu tuyg‘ularga haykal o‘rnatib ketgan” Muhabbat bahori”ning abadiy qaxramonlari, ikki qalb sohibi yaratgan ijod namunalari hali hamon o‘quvchi qalbini hayajonga soladi.
Jizzax davlat pedagogika instituti “Madaniyat saroyida” adib tavalludining 110 yilligiga bag‘ishlanib o‘tkazilgan adabiy kechaga kelganlar ham ana shu hislarni ko‘ngildan o‘tkazgan bo‘lishsa ne ajab…Oliygoxning “Boshlang‘ich ta’lim fakulteti ” professor -o‘qituvchilari va ijodkor yoshlari tomonidan tayyorlangan kechada H.Olimjon hayoti va ijodiga oid qiziqarli ma’lumotlar berildi.
Adabiy-badiiy kechaga taklif etilganlar H.Olimjon va Zulfiyaxonim qalamiga mansub ijod namunalarini o‘qib berish bilan bir qatorda sahnaviy ko‘rinishlar ham ijro etishdi.
Foto
Adabiy –badiiy kecha so‘ngida Hamid Olimjon suratini mahorat bilan chizgan talabalar mehnati alohida e’tirof etildi.
Jizzax davlat pedagogika instituti axborot xizmati
