Tashkil topishi

Geografiya va iqtisodiy bilim asoslari kafedrasi dastlab 1991-yilda Pedagogika va boshlang‘ich ta’lim fakulteti tarkibida Tabiatshunoslik asoslari kafedrasi sifatida tashkil etilgan. Birinchi mudiri — geografiya fanlari nomzodi, dotsent Ne’mat Ismatov bo‘lib, kafedra faoliyati geografiya fanini metodik jihatdan o‘qitish va malakali pedagoglar tayyorlashga yo‘naltirilgan.
 

Rivojlanish bosqichlari

1992-yilda biologiya-geografiya yo‘nalishi alohida ochilib, Geografiya-ekologiya kafedrasi shakllandi. 1996-yildan boshlab “Geografiya va iqtisodiy bilim asoslari” yo‘nalishi bo‘yicha talabalar qabul qilina boshlandi. 2004-yilda geografiya ta’lim yo‘nalishi mustaqil bo‘linma sifatida ajratildi. 2009–2010 o‘quv yilida esa Mintaqaviy geografiya va Geografiya va iqtisodiy bilim asoslari kafedralari birlashtirilib, “Geografiya o‘qitish metodikasi” nomi ostida faoliyat yurita boshladi. So‘nggi yillarda kafedra tarkibida ilmiy izlanishlar hajmi kengaydi, xalqaro hamkorlik yo‘lga qo‘yildi.
 

Bugungi faoliyati

Hozirda kafedrada 15 nafar professor-o‘qituvchi ishlamoqda. Ular bakalavr darajasida “Geografiya va iqtisodiy bilim asoslari”, magistratura bosqichida esa “Aniq va tabiiy fanlarni o‘qitish metodikasi (geografiya)” mutaxassisliklari bo‘yicha ta’lim beradi. Kafedraning asosiy ilmiy yo‘nalishi — “Jizzax viloyati geoekologik muammolari va ularni bartaraf etishda strategik yondashuvlar” mavzusidir. O‘quv jarayonida zamonaviy texnologiyalar, interfaol metodlar va elektron resurslardan keng foydalaniladi.