O‘zbekiston Respublikasi Mustaqilligining o‘ttiz yilligi bayrami munosabati bilan Jizzax Davlat Pedagogika Instituti Maktabgacha ta’lim fakulteti «Maktabgacha ta’lim metodikasi» kafedrasining professor- o‘qituvchilari va “Maktabgacha ta’lim” yo‘nalishi talabalari hamkorligida 1 iyun – Halqaro bolalarni himoya qilish kuniga bag‘ishlangan bayram tadbiri 31 may 2021 yil bo‘lib o‘tdi
Jizzax Davlat Pedagogika Institutining Madaniyat saroyi bayramona bezatilgan. «Besh tashabbus bolalar nigohida» shiori ostida 1 iyun xalqaro bolalarni himoya qilish kuniga bag‘ishlangan bayram tadbiriga Jizzax shahridagi maktabgacha ta’lim tashkilotlari uslubchilari, tarbiyalanuvchilari, fakultet professor-o‘qituvchilari, talabalar taklif etildi. Madaniyat saroyida kuy-qo‘shiqlar, she’rlar yangradi. “Bolalarga bering dunyoni” sharlar guldastasi musaffo osmon uzra ko‘tarildi.
Bugungi bayram chinakam ma’noda zavq bag‘ishlamoqda. Bu kabi bayramlar tinch va osuda elga yarashadi. Yoshlarga yaratilayotgan sharoitlar berilgan imkoniyatlardan foydalanib ilm izlashlarini, o‘qib o‘rganishlarini astoyidil bajarishi zarur. Bugungi kun yoshlari yonib yashamoqdalar. Buni bugungi tadbirda ham kuzatish mumkin. Iqtidorli, izlanuvchan va yangi-yangi iste’dodlar kashf qilinyapti, ularga havasimiz keladi. Dastur davomida kuy qo‘shiqlar , sport chiqishlari va talabalar “Eksklyuziv teatr” i namoyish etildi.
Bayram tadbiri so‘ngida maktabgacha ta’lim tashkiloti tarbiyalanuvchilari va talabalar diplom va naminatsiyalar hamda estalik sovg‘alar bilan taqdirlanadilar.
