Жорий йилнинг 11 апрель апрель куни Жиззах давлат педагогика институти ахборот – ресурс маркази ҳамда Хорижий тиллар факультети ҳамкорлигида “Менинг севимли ўнта китобим” маънавий-маърифий танлови таркибига киритилган ёзувчи Л.Н.Толстой қаламига мансуб “Уруш ва тинчлик” романининг мазмун – моҳиятини ўрганишга доир давра суҳбати ташкил этилди. Давра суҳбати факультетнинг ўқув аудиториясида бўлиб ўтди. Давра суҳбатини бошлашдан олдин иштирокчиларга улуғ рус ёзувчиси Л.Н.Толстой ҳаёти ва ижодига доир видеолавҳа намойиш этилди.
Давра суҳбатини факультетнинг Инглиз тили ўқитиш методикаси кафедраси мудири Д.Каримова кириш сўзи билан очиб берди ва “Менинг севимли ўнта китобим” маданий – маърифий танловининг Низоми ҳамда танлов шартлари билан таништирди.
Шундан сўнг, АРМ услубчиси Д.Аҳмаджонова “Менинг севимли ўнта китобим” маданий – маърифий танловига қўйилган бадиий адабиётлар кўргазмасини иштирокчиларга қисқача шарҳлаб берди.
.
Давра суҳбатини Хорижий тиллар факультети маънавий- маърифий ишлар бўйича декан ўринбосари А.Рустамов давом эттириб, улуғ рус ёзувчиси Л.Н.Толстойнинг ҳаёти ва ижоди хусусида тўхталиб, бу асар ёзувчининг ўз ҳаётидан олинганлигини алоҳида таъкидлади..
Шундан сўнг, факультетнинг 1- курс талабаларидан М.Муртазоқулова, Д.Исмоилова, З.Йўлдошева З.Норбоевалар асар юзасидан муҳокамага чиқиб, ундаги ижобий ва салбий қаҳрамонларнинг ўзига хос хусусиятлари тўғрисида ўз фикрларини билдирди. Шунингдек, талаба И.Ортиқова сўз олиб, “Уруш ва тинчлик” романи жаҳон адабиётида ўзига хос ўрин эгаллаган бўлиб, ҳозирги кунда ҳам китобхонлар томонидан зўр қизиқиш билан ўқилаётганлигини таъкидлади.
Суҳбат давомида ўқитувчи Н.Исанова томонидан иштирокчи талабаларга асар сюжетлари юзасидан саволлар берилди. Савол–жавоблар мунозарасида 1-курс талабаларидан Н.Ҳасанова, О.Ҳамроқуловалар асар қаҳрамонларига нисбатан ўз муносабатларини билдирдилар ва асардан парча ўқиб беришди.
Сўнгра, талабалар томонидан тайёрланган асар мазмунига доир саҳна кўриниши намойиш этилди. Тадбирни факультетнинг маънавий ишлар бўйича декан ўринбосари А.Рустамов якунлаб, “Менинг севимли ўнта китобим” маданий – маърифий танловининг 1-босқичида бадиий адабиётларни тарғиб ва таҳлил қилишда фаол иштирок этган талабаларни фахрий ёрлиқлар билан тақдирлади ҳамда мазкур танловнинг 2-босқичида Хорижий тиллар факультети талабалари албатта ғолиб бўлишларига ишонч билдирди.
