QUTLOV …
“Halq maorifi a’lochisi” nishoni sovrindori , kimyo fanlari nomzodi, dotsent Shavkat Sharipov 60 yoshga to‘ldi. Hayoti va faoliyatiShavkat Sharipov Jizzax viloyati , Sh.Rashidov tumani , Gandumtosh MFY mahallasida ziyolilar oilasida tavallud topdi. 1978 yilda S.Sirojiddinov nomidagi respublika yosh fizik-matematiklar maktab internatini bitirgan Shavkat Sharipov o‘sha yilning o‘zidayoq hozirgi Mirzo Ulug‘bek nomidagi O‘zbekiston milliy universitetining “Kimyo “ fakultetiga o‘qishga kiradi. O‘z ish faoliyatini dastlab, Jizzax politexnika institutida boshlagan o‘qituvchi, 2000 yildan hozirgi vaqtga qadar Jizzax davlat pedagogika instituti “ Kimyo o‘qitish metodikasi” kafedrasida o‘qituvchi bo‘lib ishlab kelmoqda. Mehnatsevarligi, tashkilotchiligi bilan jamoa o‘rtasida hurmat qozongan ustoz Shavkat Sharipovning 100 dan ziyod ilmiy-ommabop maqolalari nafaqat o‘zimizda balki, Rossiya, Polsha va AQSh kabi dunyoga mashhur davlatlarning nufuzli jurnallarida chop etilgan. Ko‘p yillik pedagogik tajribaga ega, talabalarga ta’lim -tarbiya berishda o‘zining munosib hissasini qo‘shib kelayotgan, kasbidan obro‘ topib, elning bolasini o‘qitish kabi oliy vazifada beminnat xizmat qilayotgan qadrli ustozimiz Shavkat Sharipov sizni qutlug‘ 60 yoshingiz bilan Jizzax davlat pedagogika instituti jamoasi va rahbariyati chin yurakdan muborakbod etadi. Yaqinlaringiz baxtiga omon bo‘ling. Ardog‘imizdasiz ustoz.
Dunyo zulmat qorong‘u Chimmatga cho‘mgan chog‘da Porlab yulduz qarog‘i- Go‘yo cho‘g‘dek o‘chog‘da… Olamga mayoq bo‘lib, Lovullab porlagansiz. Ko‘z, qo‘lu oyoq bo‘lib, Nur sari chorlagansiz. Siz-Beruniy, Siz-Sino, Siz-Farobiy,Ulug‘bek. Oq qog‘ozdek pok siymo Sehringizga yo‘qdir chek…Jizzax davlat pedagogika instituti axborot xizmati
