Tadbirkorlar va ishbilarmonlar harakati-O‘zbekiston Liberal demokratik partiyasi Jizzax viloyat Kengashi majlislar zalida “Yangi O‘zbekistonning 2022–2026 yillarga mo‘ljallangan Taraqqiyot strategiyasi va uni 2022 yilda amalga oshirish bo‘yicha tasdiqlangan “Yo‘l xaritasi” mazmun-mohiyati”ni yetkazishga qaratilgan davra suhbati bo‘lib o‘tdi.
Falsafa, tarbiya va huquq ta’limi kafedrasining tashabbusi bilan tashkil etilgan mazkur tadbirda Huquqshunos” to‘garak a’zolari, Xalq deputatlari viloyat Kengashidagi O’zLiDeP deputatlik guruhi a’zolari, yoshlar ishtirok etishdi.Davra suhbatini partiya viloyat Kengashi apparat rahbari Sherzod Mamatqulov kirish so‘zi bilan ochib berar ekan, Prezidentimiz tomonidan «Inson qadrini ulug‘lash va faol mahalla yili»da amalga oshirishga oid Davlat dasturi imzolanganini aytib o‘tdi. Shuningdek, “2022 — 2026 yillarga mo‘ljallangan yangi o‘zbekistonning taraqqiyot strategiyasi to‘g‘risida”gi ustuvor vazifalarga ham qisqacha to‘xtalib o‘tdi.
Tadbir davomida ishtirokchilar JDPI Falsafa-tarbiya va huquq ta’limi kafedrasi o‘qituvchisi Kamoliddin Yusupovning “Yangi O‘zbekistonning 2022–2026 yillarga mo‘ljallangan Taraqqiyot strategiyasidagi dolzarb vazifalar”, O‘zLiDeP viloyat Kengashi raisining Mafkuraviy ishlar bo‘yicha o‘rinbosari To‘ychi Axmedovning “2022–2026 yillarga mo‘ljallangan Yangi O‘zbekistonning taraqqiyot strategiyasini “Inson qadrini ulug‘lash va faol mahalla yili”da amalga oshirishga oid Davlat dasturi to‘g‘risida”, O‘zLiDeP viloyat Kengashi raisining Yoshlar masalalari bo‘yicha o‘rinbosari Farxod Odilovning “Yoshlarga oid davlat siyosatini takomillashtirish to‘g‘risida”gi ma’ruzalari tinglandi. Tadbir davomidagi muloqotlarda Taraqqiyot strategiyasidan o‘rin olgan ustivor maqsad va vazifalarni yanada kengroq targ‘ib qilish, ular ijrosini ta’minlashda partiya faollari, deputatlarning faolligini oshirish borasida ham fikr-mulohazalar, takliflar bildirib o‘tildi. To‘garak a’zolari mavzu yuzasidan o‘zlarini qiziqtirgan barcha savollarga batafsil javob olish imkoniga ega bo‘ldilar.
