Xabaringiz bor 18-26 yanvar kunlari Tayland poytaxti Bangkok shahrida boks boʻyicha kattalar oʻrtasida Osiyo chempionati boʻlib o‘tdi.

JDPU Jismoniy madaniyat fakulteti talabalaridan 4-nafari Taylandga Osiyo chempionatida ishtirok etib sovrindor bo‘lib qaytishdi. Sportchi talabalarimiz yorug‘ yuz bilan yurtimizga qaytib kelishdi. Bugun  ana shu sportchi talabalar universitetda tantanali ravishda kutib olindi. Dastlab Jismoniy madaniyat fakulteti jamoasi bilan bo‘lgan suhbatda, fakultet dekani F.Ahmedov sportchi talabalarimizdan barcha ustozlar va talabalar faxrlanishini, ular haqli ravishda bu yutuqlarga erishganliklarini  aytib o‘tdi.

Shundan so‘ng sportchi talabalarimiz universitet ilmiy kengashida alohida e’tirof etildi. Yurtimiz bayrog‘ini, viloyatimiz qolaversa oliygohimiz sha’nini yuksaklarga ko‘targan va butun dunyoga tanitgan sportchi talabalarimiz universitet rektori Sh.Sharipov tomonidan tashakkurnomalaar va esdalik sovg‘alar bilan taqdirlandi.

Taqdirlash marosimida so‘z olganlar Osiyo chempionatida oltin medalni qo‘lga kirtigan Jaxongir Zokirov, Nigina O‘ktamova, kumush medal sohibasi Aziza Qurbonova, bronza medal bilan taqdirlangan  Sabohat Hushvaqtovalarga  bundan-da yuqori natijalarga erishishilariga tilak bildirishdi.